حلم والا علم يا شاعر المليون!!!!

الا بسم الله الرحمـن...الا بسـم الله الرحمـن
أنـا فـي حلـم والاَ شايـفٍ قصـة حقيقـيـه
ذكرت الله..وش ذا الصدمة اللي هزت الأكـوان
على مرئى ملايين البشـر مـا هـي بسريـه
بكى من جورها غيم القصيد ..وهـل بالهتـان
وجـاء هتانهـا طوفـان نـاره تشتعـل حيـه
الا يا لجنة المليون ..قصـدي لجنـة البهتـان
ترى ما هي حكايـة لغـز والاَ سـر الأحجيـه
على النيشان..يا اللجنة خذيها من على الذرعان
لعنـك الله..مربـوعـة ومثلـوثـة ومثنـيـه
لعنك الله ..والاَ استغفـر الله مـا يفيـد لعـان
ما دام انَـا عـرب واللـي مجاورنـا يهوديـه
على وضح النقا غدر وخيانة والكفوف أخـوان
على وضح النقا جنبي طعـن جنبـي بشبريـه
كـذا والاَ كذا..كـل الخليقـة شافـت الخـوان
كـذا والاَ كذا..صـارت حقيقـة غـدر مرئيـه
وش المعقول باللي صار..يا قصة بـلا عنـوان
وش اللي صـار بالمعقول..يـا كذبـة خليجيـه
يا سلطان العميمي..يا حمد..يا بدر..يا غسـان
لسـان النقـد!!! لاوالله لا ذيــه..ولا ذيــه
خذوا البيرق..خذوا المليون..دام ان الصحيح يبان
أخذتـوا فوقهـا بيـرق خيانة..صـار ماريـه
وحنا يا سعوديـة خذينـا العـز فـوق سنـان
كفاية يـوم أقـول ..ان الزعامـة للسعوديـه
أنا ما اقول..واقعنـا يقـول ان الجبـان أحيـان
الى منَه شبـع يلبـس ثيـاب العز..عاريـه!!
يا ناصر..وانت يا عيضة..لكم بقلوبنـا مسكـان
ولكم منَا قلوب مـن الوفـا ميَـة علـى ميَـه
نمد الكم يمين من الوفـا والشكـر والعرفـان
تخـر الهـا بيـارق قـوم مامـوره ومنهيـه
ومدام انَا ملكنا العـز ..قولـوا يابشـر للجـان
كفاية..يـوم أقـول ان الزعامـة للسعـوديـه
ختام الهرج..يا شعَار هذا بـس نطـق لسـان
وكل اللي نطق به..حرف واحـد مـن جنونيـه





قصيدة لشاعر / عبدالله المسيلي الحارثي