مؤتمر مغلق للتماسيح فقط

السلام عليكم ورحمة الله وبركاته


أعزائي التماسيح بصراحة وبدون زعل


جمعتكم اليوم لأني لاحظت بعض السلوكيات على بعضكم وحبيت أصححها وأعلمكم الصح من الخطأ

بأسلوب تربوي حديث



وياريت تتقبلون هالكلام بصدر رحب




يالله بقولكم الاخطاء وكيف تصححه


خطأ :

عندما يصطدم بك أحد وأنت تمشي .. ثم تسقط كتبك ... ثم تأخذها وتمشي
.. وكل منكما يتأسف للآخر ...


الصحيح :


تمسكه مع هدومه... وتصكه بالطوفه .. وترفسه مع بطنه ..
وحبذا تنهيها بركبة وإلا كوع ...

ثم ..

تقوله شيل الكتب .. ومرة ثانية فتح عيونك يا الأحول ..


خطأ :


تفتح الإشارة .. واللي وراك يطق لك هرن ... ثم تطالع من المنظره...
وتلقاه يهاوش ومعصب .. ثم تأشر بيدك تتأسف ...


الصحيح :


تنزل له بعجراء ... وتطق الدريشة عليه ... وأول ما يفتحها .
.. جرّه مع شعره ... واجلده لين يقول حقي برقبتي ...

ثم ..قوله مرة ثانية تصير الإشارة خضراء .. تصير حمراء

.. تصير زرقاء ... تأكل تبن وتسكت ..


خطأ :


تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك
... ويصك الباب بوجهك .. ثم تروح حزين ...


الصحيح :


تنتظره بسيارتك .. وأول مايحرّك لبيتهم .. حدّه على الرصيف
... والا حاول تخليه يدعم سيارة ..

ثم ..طلع راسك مع الدريشة ... واضحك ..

خطأ :


قاعدين أنت ومجموعة من الشباب ... وعندكم بيبسي ... وطلعت تبي تغسل ...
فيقوم صديقك ويرج العلبه ... ثم تجي تبي تفتحه .. ثم يفور بوجهك ... ويضحكون عليك
.. فتقول ... هههههه الله يرجك والله لارد لك المقلب ..


الصحيح :


تمسكه ... مع رجوله ...وتقطه بالارض... وتجيب قوطي بيبسي ..

وترجه رجا مبرحا ... ثم تفتحه بوجهه ...

ثم ..تقوله لاصرت أخوك الصغير ... والا تمون علي .. نكّت معاي هالتنكيت ...

وهالمرة بسمح لك عشان خاطر الموجودين .. والا تدري !! ...

ثم عفس العلبه... وحطّه بمخباته ... وقوله لاتطلعه من مخباتك إلا إذا رحنا ...


خطأ :


تحلق عند حلاق ... ومتحمس تعلمه سو جذي ... وسوي جذي ... وهو يقولك ..
أنا في معلوم .. أنت بس ارتاح ...
وتخليه ... وتلقاه حالقن نص شنبك ... ثم تهوشه هوش ...
وتحاسب وتطلع ... وتقول بنفسك والله ماعمري أحلق عنده ...


الصحيح :


تاخذ الموس ... وتخربط براسه ... وشنبه ولحيته ... وإن حصل تحلق راسه عكس مو شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..

ثم ..قل بينك وبين نفسك ... ماعمري أحلّق عنده ...


خطأ :


تمشي بالفريج .... مثلا رايح للمسجد ... ثم يجي ورع من هالوراعين ...
ويفلقك بحصاة .. ثم تلعن الشيطان وتعوذ من إبليس ... وتكمل دربك ..
تقول ورع ماعليه شرهه ...


الصحيح :


تاخذ لك طابوقه... وتخذفهاا عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... وروح صل وانهي التزاماتك... ثم ارجع له .. وتفرّغ له ...
أكيد مو متحمل لمين وقت الصلاة الثانية ... وعلى مسؤوليتي بصيح ...


خطأ :

راكب سيارتك مستعجل ... وكل اشارة توقف عندها ... حتى الاشارات اللي مافيهن أحد ..


الصحيح :

حتى لو انت مو مستعجل ... اقطع الاشارة ... الاشارة حطوها للي مايعرفون يسوقون ...
مو للمخضرمين مثلكم طبعا
اقص ايدي اذا عندكم سيارات على مستوي حدكم سياكل المووهييم


خطأ :

ساكن بالدور الأرضي ... وفوقك ساكن واحد ... وصارت الساعة وحدة ...
وأنت بتنام ... واللي فوق لجّه وصجّة ...
ماتقدر تنام ... ثمتروح المووهييم.. وتدق عليهم ... وتقول لهم ..
ترى سويتوا ازعاج وانا بنام ... ثم ترجع .. وتلقاهم نفس الحالة ..
ثم تقول .. الله يقطعهم ماخلوني أنام .. وتواصل للصبح ..


الصحيح :

دق على محل ستالايات ... وقوله نبيك تجي تركّب لنا الطبق بالسطح ...
ولاتنسى تجيب الدربيل معال ... لأننا بنركب خمسة .. الليلة بس ..
ثم واصل للصبح ... و وريهم الازعاج على اصوله


خطأ :

متابع فيلم .. ومتحمس .. ثم يجي واحد من أخوياك ويغيّر القناة ..
بدون مايشاورك ... ثم تقوله ليش ياخي ماتشوفني متابع؟؟


الصحيح :

صكه بالمركأ ... ولحقه ببياله والا طفاية ... وخذ منه الريموت
.. بدون ماتكلمه ... وحط فيلمك ... وتابعه بصدر رحب ...



ان شاء الله ما طولت عليكم ...
<<< خطأ


الصحيح :
اذا طولت هذا شيء راجع لى وبكيفى وإلا من قال لكم تقرون


على العموم ان شاء الله تطبقون اللي قلته لكم لحياه افضل


حبايبي السحالى اللي عندها ملاحظات تقولها ولا يردها الا لسانها

ما اوصيكم عاد

تاخذ الموس ... وتخربط براسه ... وشنبه ولحيته ... وإن حصل تحلق راسه عكس مو شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..

ثم ..قل بينك وبين نفسك ... ماعمري أحلّق عنده ...

هههههههههههههههههههههه


الف شكر لك ع الطرح الجميل
ويعطيك العافيه



تحياتي